⚖️ Педагогикалық әдеп қағидалары

№60 мектеп-лицейі

Педагогикалық әдеп қағидалары "Білім туралы" 2007 жылғы 27 шілдедегі Қазақстан Республикасы Заңының және "Педагог мәртебесі туралы" 2019 жылғы 27 желтоқсандағы Қазақстан Республикасы Заңының ережелеріне сәйкес әзірленіп, сондай-ақ Қазақстан Республикасының жалпыға бірдей танылған адамгершілік қағидаттары мен нормаларына негізделген.

Педагогикалық әдеп білім беру ұйымдарының педагогтері басшылыққа алатын әдеп қағидаттары мен нормаларының жалпы жиынтығын білдіреді.

Педагогикалық әдеп ережелерін білу және сақтау педагог қызметі мен еңбек тәртібінің сапасын бағалау өлшемшарттарының бірі болып табылады.

Оқыту мен тәрбиелеу нәтижесіне жауапкершілік, ашықтық, сынға және рефлексияға қабілеттілік.

Бағалау қызметінің ашықтығы, білім беру ортасының әділдігі және құқық бұзбау.

Оқушының абыройы мен қадір-қасиетін сақтау, психологиялық және моральдық қысымға жол бермеу.

Қазақстан Республикасына, тарихына, тіліне және дәстүріне құрмет.

Барлық ұлттарға, діндерге, мәдениеттерге құрмет көрсету және толеранттылық сақтау.

Әріптестерді қолдау, беделді сақтау және кәсіби дамуға көмектесу.

Мұғалімнің өз біліктілігін үнемі жетілдіруі және өзін-өзі дамытуы.

Педагогтер қызметтік және қызметтік емес уақытта әдеп қағидаларын сақтайды, еңбек тәртібін бұзбайды, сыбайлас жемқорлыққа жол бермейді, академиялық адалдықты ұстанады және қызметтік ақпаратты жеке мақсатта пайдаланбайды.

Сонымен қатар, педагог білім алушыларға құрметпен қарауға, мәдени қарым-қатынас сақтауға және әлеуметтік желілерде әдеп нормаларын бұзбауға міндетті.